Bydd Andy Davies, darlithydd chwaraeon Coleg Y Drenewydd, yn cynrychioli Tîm Prydain Fawr ym Mhencampwriaeth Ewrop 50km cyntaf Cymdeithas Ryngwladol yr Uwch-redwyr (IAU). Bydd cyfanswm o 11 o athletwyr yn cynrychioli Prydain Fawr a Gogledd Iwerddon.
Cynhelir y digwyddiad agoriadol ar 8 Hydref 2022 yn Avila, Sbaen a disgwylir iddo gynnwys mwy na 30 o wledydd yn y digwyddiad symbolaidd hwn o redeg pellteroedd mawr.
Mae Andy, sydd â phrofiad blaenorol o gystadlu yng nghystadleuaeth Pencampwriaeth y Byd IAU yn 2016 pan wnaeth yn wych i ddod yn y pumed safle, yn gwneud yn dda ar hyn o bryd. Yn ddiweddar, cyflawnodd ei amser personol gorau yn Seville o 2.14.22.
Dywedodd Andy: “Rwyf wrth fy modd i gael fy newis a bod ymhlith y cystadleuwyr gwych eraill o Brydain fydd yn cymryd rhan. Mae gan rai brofiad blaenorol o bencampwriaeth y byd a bydd eraill yn gwisgo fest Prydain Fawr am y tro cyntaf. Ond mae’n wych bod yn rhan o’r digwyddiad a fydd yn arddangos yr uwch-redwyr gorau yn Ewrop.”
Aeth ymlaen i ddweud: “Er bod mis Hydref yn ymddangos yn bell i ffwrdd nawr, rydw i ar fy ngorau ac yn llawn cyffro am y flwyddyn i ddod.”
Mae sefyllfa bresennol Andrew a’i berfformiadau yn y gorffennol yn argoeli’n dda ar gyfer y posibilrwydd o gael ei ddewis ar gyfer Gemau’r Gymanwlad sydd ar ddod yn Birmingham ym mis Gorffennaf.
Dywedodd arweinydd y tîm, Walter Hill: “Rydym wedi mwynhau llwyddiant ym mhencampwriaethau’r byd yn ddiweddar, felly rwy’n edrych ymlaen at weld sut hwyl gaiff ein tîm o gyn-gystadleuwyr Prydain Fawr a Gogledd Iwerddon a’r athletwyr newydd yn y gystadleuaeth Ewropeaidd gyntaf.”
I ddarganfod mwy am gyrsiau Chwaraeon Grŵp Colegau NPTC cliciwch isod.
