Llongyfarchiadau i bob un o’r saith unigolyn talentog o Gymru a gynrychiolodd y DU yn falch yn EuroSkills 2025 – un o’r digwyddiadau mwyaf a mwyaf mawreddog sy’n dathlu rhagoriaeth addysg alwedigaethol a sgiliau. Wedi’i gynnal yn Herning, Denmarc, daeth y gystadleuaeth â’r bobl broffesiynol ifanc orau o 32 o’r aelod wledydd ynghyd.
Ymhlith cynrychiolwyr Cymru roedd myfyrwraig Arlwyo Coleg Y Drenewydd, Gabi Wilson. Dangosodd pob cystadleuydd allu technegol, gwydnwch a phroffesiynoldeb eithriadol wrth iddynt fynd benben â goreuon Ewrop. Dyfarnwyd Medalau Rhagoriaeth i ddau aelod o dîm Cymru, sef Tomas Ankers a Yuliia Batrak.
Canmolodd Shaun Bailey, Darlithydd Arlwyo yng Ngholeg Y Drenewydd, ymdrechion Gabi: “Rydym yn hynod falch o Gabi. Dangosodd broffesiynoldeb, lefel uchel o sgil a phenderfyniad diysgog wrth gystadlu ar lwyfan Ewropeaidd. Roedd yn wych i’r tîm cyfan. Ar ôl pwysau’r gystadleuaeth, fe wnaethon nhw i gyd fwynhau dathliad haeddiannol yn y seremoni gloi ysblennydd.
Bydd pob cystadleuydd yn parhau â’u hyfforddiant gyda’r nod o ennill lle ar Dîm y DU ar gyfer WorldSkills Shanghai, Tsieina 2026.
