Crynodeb o’r cwrs
Mae’r cwrs rhan amser hwn wedi’i gynllunio i’ch helpu i ddatblygu sgiliau a gwybodaeth lefel uwch mewn cynhyrchu yn y sector pobyddiaeth. Byddwch yn gweithio tuag at gymhwyster pobyddiaeth Lefel 3 achrededig, gan gynyddu eich arbenigedd technegol a’ch gallu i brofi cymhwysedd yn y gwaith. Mae’r cymhwyster hwn yn ddelfrydol os ydych chi eisoes yn gymwys mewn gweithgareddau pobyddiaeth arbenigol ac eisiau gwella eich dealltwriaeth o ddatblygu cynnyrch, meithrin sgiliau arbenigol lefel uwch neu reoli gweithrediadau technegol. Gall hefyd roi’r hyder i chi ddechrau eich busnes bach eich hun.
Diwrnod ac amser: Dydd Mercher, 9.30 am i 1.30 pm
Dyddiad dechrau: 9 Medi 2026
Hyd: Blwyddyn (o fis Medi i fis Mehefin)
I bwy mae’r cwrs hwn?
• Dysgwyr sydd eisiau datblygu sgiliau pobyddiaeth proffesiynol uwch
• Unigolion sydd â chymhwyster Lefel 2 ym maes pobyddiaeth neu brofiad sylweddol yn y diwydiant
• Unigolion sy’n anelu at symud ymlaen i gyflogaeth sy’n gofyn am sgiliau, gwaith datblygu cynnyrch neu ddechrau eu busnes eu hunain
Yr hyn y byddwch yn ei ddysgu
• Sgiliau a thechnegau cynhyrchu uwch ym maes pobyddiaeth
• Gwybodaeth sylfaenol i gefnogi ymarfer proffesiynol mewn becws
• Sut i gynllunio, cynhyrchu a gwerthuso cynhyrchion becws drwy waith ymarferol a gwaith prosiect
Ar ôl cwblhau’r cwrs yn llwyddiannus, byddwch chi’n ennill cymhwyster Lefel 3 mewn pobyddiaeth broffesiynol. Bydd hyn yn dangos bod gennych gymhwysedd galwedigaethol ac yn eich helpu i symud ymlaen i fyd gwaith, astudiaeth lefel uwch neu hunangyflogaeth.
