Crynodeb o’r cwrs
Mae’r Lefel Mynediad 3 Porth Y Cyfryngau a TG yn rhoi cyflwyniad ymarferol a chefnogol i TGCh a sgiliau sy’n gysylltiedig â’r cyfryngau yng Ngrŵp Colegau NPTC. Mae’r cwrs yn canolbwyntio ar ddatblygu hyder digidol, ymwybyddiaeth ariannol a sgiliau cyfathrebu, gan gefnogi llythrennedd, rhifedd a chyflogadwyedd er mwyn paratoi myfyrwyr ar gyfer dysgu pellach neu gyflogaeth yn y dyfodol.
Nid oes angen gwybodaeth na chymwysterau blaenorol. Rhaid i fyfyrwyr allu dangos y gallu i weithio o leiaf ar Lefel Mynediad 3 a dangos parodrwydd i gymryd rhan mewn gweithgareddau digidol ymarferol, gwaith tîm a datblygiad personol.
Ar ôl cwblhau'r cwrs yn llwyddiannus, gall myfyrwyr symud ymlaen i gyrsiau lefel uwch mewn TG, y cyfryngau neu feysydd pwnc cysylltiedig yng Ngrŵp Colegau NPTC. Gall llwybrau dilyniant eraill gynnwys interniaethau â chymorth, cyfleoedd gwirfoddol, neu ddatblygu sgiliau digidol a chyflogadwyedd trosglwyddadwy i gefnogi cyflogaeth a byw'n annibynnol yn y dyfodol. Lle bo hynny'n briodol ac yn gyraeddadwy, gall myfyrwyr weithio tuag at gymhwyster BTEC.
Mae'r cwrs hwn yn rhoi cyfle i fyfyrwyr ddatblygu agweddau ac ymddygiadau cadarnhaol tuag at waith, gan annog gwella sgiliau sylfaenol ar yr un pryd.
Caiff myfyrwyr eu hasesu trwy waith cwrs, gweithgareddau ymarferol a chanlyniadau unigol sy'n seiliedig ar dargedau. Caiff cynnydd a chyflawniad myfyrwyr eu monitro a'u cofnodi gan ddefnyddio RARPA (Cydnabod a Chofnodi Cynnydd a Chyflawniad). Lle bo myfyrwyr yn gallu cwrdd â'r safonau gofynnol, gallant ymgymryd â chymhwyster BTEC; fel arall, caiff y rhaglen ei chyflwyno fel dysgu heb ei achredu i ddiwallu anghenion unigol.
Efallai y bydd costau ychwanegol sy'n gysylltiedig â'r cwrs.
