Mae gan Grŵp Colegau NPTC ‘Parth Myfyrwyr’ dynodedig lle y gall myfyrwyr gael cyngor, cymorth a chyfarwyddyd. Gall y Parth Myfyrwyr gynnig amrywiaeth o ffynonellau cefnogi yn cynnwys cymorth astudio, cymorth ariannol a chwnsela.
EIN GWASANAETHAU
Cyngor a Chyfarwyddyd
Os oes angen cymorth neu gyfarwyddyd ychwanegol neu os oes ganddynt bryderon sydd yn peri pryder iddynt, mae’r Tîm Gwasanaethau Myfyrwyr ar gael i helpu a chefnogi myfyrwyr. Mae gennym dîm proffesiynol a chyfeillgar o staff rheng flaen sy’n gallu cynnig cyngor. Rydym yn cyd-weithio’n agos ag asiantaethau ac elusennau sydd hefyd yn cynnig cefnogaeth ar gyfer ein myfyrwyr.
Cyngor Gyrfaoedd
Mae Cynghorwyr Gyrfaoedd ar gael i’ch helpu gyda’ch cynlluniau. Gallwch gysylltu â nhw ar 0800 0284844. Byddant hefyd yn bresennol yn y Coleg yn ystod y cyfnod ymrestru.
Mae bob amser yn ddoeth i ddarganfod cymaint ag y gallwch am y cyrsiau ymlaen llaw drwy siarad â staff neu ymweld â’r Coleg ar Ddiwrnodau Agored i sicrhau bod y cwrs yn addas i chi a’ch dyheadau.
Cymorth Astudio
Mae angen gymorth ychwanegol ar lawer o fyfyrwyr, am amrywiaeth o resymau, i’w helpu i lwyddo yn eu hastudiaethau a chyflawni eu potensial. Rhoddir asesiad anffurfiol o anghenion cefnogi i fyfyrwyr amser llawn ar ddechrau’r cwrs neu yn y cyfweliad.
Myfyrwyr ag Anghenion Dysgu Ychwanegol ac Anableddau
Mae Grŵp Colegau NPTC yn ymrwymedig i sicrhau bod myfyrwyr ag anableddau, gan gynnwys myfyrwyr ag anghenion dysgu ychwanegol (ALN) yn caelyr un mynediad i’r cwricwlwm. Mae ein staff arbenigol yn cynnig lefelau arbenigol o gymorth i fyfyrwyr mewn amgylchedd gofalgar a chefnogol.
Mae Grŵp Colegau NPTC yn ddarparwr cyfle cyfartal ac awn ati i annog ceisiadau gan fyfyrwyr ag anghenion dysgu ychwanegola/neu anableddau. Credwn y dylid cymwys myfyrwyr o’r cychwyn cyntaf gen eu rhoi wrth wraidd y broses cynllunio a gwneud penderfyniadau.
Mae gan ein tîm brofiad helaeth ac rydym yn ymrwymedig i ddarparu cymorth o ansawdd uchel i’n holl fyfyrwyr. Anlewn ar fagu myfyrwyr i’w harwain at fod yn fwy annibynnol a hyderus.
Rydym yn cynnig ystod eang o wasanaethau cymorth ar gyfer ein myfyrwyr, gan gynnwys:
- Cymorth Anghenion Dysgu Ychwanegol (ALN)
- Cymorth anabledd neu feddygol
- Technoleg Gynorthwyol a Synhwyraidd
- Cymorth Nam ar y Golwg/Clyw
- Dehonglydd Iaith Arwyddion (BSL)
- Asesiadau dyslecsia
- Cymorth arbenigol 1:1 ar gyfer dyslecsia
- Trefniadau arholiadau
- Hyfforddwyr Sgiliau Astudio
- Cymorth yn y dosbarth/Dysgu Cynnil
- Cymorth Llythrennedd/Rhifedd
- Testun wedi’i addasu/hawdd ei ddarllen
- Staff sy’n Siarad Cymraeg
- Teithio, Hyfforddiant a Chymorth Pontio
- Diwrnodau Blasu
Mae ‘Parth Myfyrwyr’ tawel yn ein campysau hefyd lle y gall myfyrwyr astudio, gweithio ac ymlacio.
Er mwyn sicrhau ein bod yn darparu’r cymorth priodol i chi, mae gofyn i chi roi gwybod am unrhyw ofynion cyn gynted â phosibl e.e. ar eich cais, neu yn eich cyfweliad neu wrth ymrestru.
Os hoffech drafod unrhyw anghenion cefnogi ychwanegol, cysylltwch â’r Tîm Cymorth Astudio:
Natalie Joseph: 01639 648074
Neu e-bost: studysupport@nptcgroup.ac.uk
Angen mwy o wybodaeth?
Gallwch drefnu siarad neu gwrdd â’n Tîm Cymorth i Fyfyrwyr yn un o’n campysau rhwng dydd Llun a dydd Gwener rhwng 9 am a 4.30 pm.
Lles
Mae ein staff Parth Myfyrwyr yn cefnogi myfyrwyr a allai fod mewn perygl o ddod yn NEET (nid mewn cyflogaeth, addysg na hyfforddiant). Mae staff yn gweithio gyda myfyrwyr a allai fod â phresenoldeb isel neu faterion personol sy’n effeithio ar eu hastudiaethau. Mae gan y tîm Lles berthnasoedd agos ag asiantaethau lleol yn yr ardal fel y gallant gefnogi myfyrwyr yn y ffordd orau bosibl.
Am wybodaeth bellach e-bostiwch: wellbeing@nptcgroup.ac.uk
Gwasanaeth Cwnselar Coleg
Mae pedwar cwnselydd ar gael i ddarparu cefnogaeth i fyfyrwyr ar draws yr holl gampysau. Rhaid mynd trwy broses atgyfeirio i gael gafael ar y gwasanaeth a gall myfyrwyr gyflawni proses hunangyfeirio neu gael eu hatgyfeirio gan eu tiwtoriaid. Darperir y gwasanaeth cwnsela ar sail patrwm chwe sesiwn ac mae’r tîm yn cyd-weithio’n agos â phartneriaid allanol arbenigol.
Unigolyn Dynodedig ar gyfer Plant sy’n Derbyn Gofal/sy’n Gadael Gofal
Mae gan y Coleg Unigolyn Dynodedig sy’n cynnig cymorth i Blant sy’n Derbyn Gofal a phobl ifanc sy’n gadael y system ofal.
Cysylltwch â Mandy Mellor ar 01639 648033.