Y Celfyddydau Creadigol Gweledol a Pherfformio
Coleg Castell-nedd a Coleg Afan
Coleg y Drenewydd
Croeso i Ysgol y Celfyddydau Creadigol, Gweledol a Pherfformio
Rydym yn cynnig cyrsiau llawn amser mewn Celf a Dylunio, Cynhyrchu a Thechnoleg Cyfryngau Creadigol, Celfyddydau Cynhyrchu, a’r Celfyddydau Perfformio, lle gallwch arbenigo mewn Dawns, Cerddoriaeth neu Actio. Byddwch yn dysgu mewn amgylchedd creadigol, sy’n canolbwyntio ar y diwydiant, gan ddefnyddio offer arloesol o fewn ein cyfleusterau arbenigol pwrpasol, gan gynnwys Canolfan Gelfyddydau Nidum yng Ngholeg Castell-nedd a Theatr Hafren yng Ngholeg y Drenewydd.
Fel canolfan ar gyfer dysgu creadigol, gallwch ddewis y llwybr Lefel A i archwilio ystod o bynciau, neu arbenigo mewn cwrs galwedigaethol llawn amser. Rydym yn cefnogi dilyniant ym mhob cam, gyda chyfleoedd i symud ymlaen i’n Diploma Cenedlaethol Uwch mewn Cerddoriaeth yn Academi Gerdd Grŵp Colegau NPTC, neu’r rhaglen Celf a Dylunio Sylfaen yng Ngholegau’r Drenewydd ac Afan. Mae ein tîm yn darparu cefnogaeth un-i-un helaeth ar gyfer ceisiadau prifysgol a chonservatoire, gan sicrhau eich bod wedi’ch paratoi’n llawn ac yn barod ar gyfer clyweliadau. Yn anad dim, rydym yn canolbwyntio ar ddatblygu pobl greadigol hyderus, hynod gyflogadwy sy’n barod ar gyfer eu gyrfaoedd.
Mae myfyrwyr Celf, Dylunio, Ffotograffiaeth a Chyfryngau Creadigol yn elwa o ystod eang o gyfleoedd i arddangos eu gwaith, o fewn y coleg ac mewn digwyddiadau allanol. Cymerwch olwg ar ein Harddangosfa PROCESS isod. Mae myfyrwyr Cyfryngau Creadigol hefyd yn gweithio ar brosiectau byw, gan gydweithio â chleientiaid ac arddangos eu cynyrchiadau terfynol. I fyfyrwyr Celfyddydau Perfformio, Dawns a Cherddoriaeth, mae perfformio yn ganolog i’r profiad, gydag ystod eang o gyfleoedd i ddatblygu ac arddangos eich talent.
Mae Ysgol CVP hefyd yn cynnig rhaglen gyfoethogi fywiog, gan gynnwys Côr y Coleg, Band Ffync, Cwmni Dawns LIFT, Clwb Camera a dosbarthiadau lluniadu bywyd wythnosol. Mae ein tîm o ddarlithwyr arbenigol yn edrych ymlaen at eich croesawu.
Cliciwch y ddelwedd isod ar gyfer PROCESS – yr arddangosfa ar-lein o waith myfyrwyr Celf a Dylunio a Chynhyrchu Cyfryngau Creadigol.
