Mae Grŵp Colegau NPTC yn falch i gyhoeddi bod adleoli â Celfyddydau Creadigol a Diwydiannau Digidol (CCDD) ynghyd â Thrin Gwallt, Gwaith Barbwr a Therapïau Cymhwysol (HAT) yng Ngholeg Bannau Brycheiniog i’w gampws newydd ar flaen y gad yn Watton Mount yn dod yn fuan. Mae’r datblygiad cyffrous hwn yn nodi ymrwymiad y Coleg i ddarparu addysg a chyfleoedd hyfforddi o’r radd uchaf ar gyfer myfyrwyr ym Mhowys a thu hwnt ac fe ddaw yn sgil symudiadau llwyddiannus blaenorol o ddarpariaeth cyrsiau eraill i ganol y dref sef i’r CWTCH a’r Gaer.
Mae’r datblygiad yn rhan o gynllun ehangach i adleoli darpariaeth y Coleg i ganol y dref, gan wneud addysg yn fwy gweladwy a hygyrch i’r gymuned tra hefyd yn cynyddu nifer yr ymwelwyr fel yr amlinellir ym Mholisi Canol Tref yn Gyntaf Llywodraeth Cymru.
Cwblhawyd y gwaith erbyn hyn ar Watton Mount a bydd rhai myfyrwyr yn dechrau adleoli cyn diwedd y flwyddyn academaidd. Bydd myfyrwyr newydd sy’n ymuno ym mis Medi 2025 yn cael budd o gyfleusterau modern, gwell amgylcheddau dysgu a gwell fynediad i adnoddau. Dyluniwyd yr adleoli i ddiogelu darpariaeth y Coleg ar gyfer y dyfodol a sicrhau bod myfyrwyr yn derbyn y profiad addysg gorau posib. Bydd CDT yn symud i Watton Mount ynghyd ag Academi Lee Stafford sydd yr unig un yng Nghymru ac sy’n darparu hyfforddiant ardderchog yng Ngholeg Afan, Coleg Bannau Brycheiniog a Choleg Y Drenewydd.
Bydd y campws newydd yn cynnig mannau addysgu wedi’u huwchraddio a thechnoleg ar flaen y gad i gefnogi myfyrwyr ar draws disgyblaethau amrywiol. Mae sicrhau ein bod yn lleihau unrhyw amhariad i fyfyrwyr a staff wedi bod wrth wraidd popeth gyda chynlluniau trawsnewid clir yn eu lle i hwyluso adleoli esmwyth.
Mae Grŵp Colegau NPTC yn ymrwymedig i weithio’n agos gyda myfyrwyr, rhieni, staff a’r gymuned ehangach trwy gydol yr adleoli. Bydd symud yn dod â buddion ychwanegol i Aberhonddu, gan gryfhau cyfleoedd addysgol lleol a darparu mannau newydd i gydweithredu â phartneriaid cymunedol, busnesau a sefydliadau.
Dywedodd Mark Dacey, Prif Weithredwr Grŵp Colegau NPTC:
“Rydym wrth ein bodd i symud rhywfaint o’r ddarpariaeth o Goleg Bannau Brycheiniog i leoliad sy’n wirioneddol adlewyrchu’r safonau uchel o addysg yr ydym yn anelu atynt. Wrth i’r prosiect symud yn ei flaen, mae’r adborth wedi bod yn hynod gadarnhaol. Mae gweddnewidiad gweledol yr adeilad wedi ysgogi llawer o sylwadau wrth fynd heibio gan bobl leol, gyda llawer yn cydnabod y gofal a roddwyd wrth roi bywyd newydd i’r hyn a fu unwaith yn ofod blinedig a segur.
Gynt yn swyddfa dreth ac yn fwy diweddar fel storfa amgueddfa, roedd yr adeilad wedi colli ei ddiben—ond erbyn hyn, trwy weledigaeth ac ymrwymiad y Coleg, mae wedi cael ei adfywio ar gyfer y tymor hir. Gobeithiwn y daw’n destun balchder lleol unwaith eto, gan greu cyffro ynghylch ei rôl yn y gymuned yn y dyfodol. Gyda’r buddsoddiad hwn, rydym wedi sicrhau dyfodol yr adeilad am ddegawdau i ddod, gan sicrhau ei fod yn parhau i fod yn rhan fywiog a gwerthfawr o’r dref.”
Trosglwyddwyd Watton Mount ar ôl ei brynu i Grŵp Colegau NPTC gan Gyngor Sir Powys yn 2022 ar ôl i’r cyngor ei wneud yn ddiangen.
Rhennir diweddariadau rheolaidd â myfyrwyr, rhieni, staff a rhandaliad allweddol i’w hysbysu am gynnydd yr adleoli.
