Trefnwyd Ras Liwiau fywiog a llwyddiannus gan fyfyrwyr busnes Coleg Y Drenewydd ym Mharc Dolerw dros y penwythnos gan godi mwy na £1,000 dros Ymchwil Canser y DU. Daeth tua 200 o redwyr hwyl brwdfrydig, cerddwyr a chefnogwyr o bob oedran i’r digwyddiad, gyda rhai cefnogwyr yn gwisgo gwisgoedd ffansi creadigol ac eraill yn cyflawni’r cwrs wrth gario rhywun ar gocyn ceiliog
Dechreuodd y digwyddiad gyda sesiwn cynhesu llawn egni dan arweinyddiaeth y myfyrwyr a oedd yn gosod y naws am ddiwrnod llawn hwyl a sbri ac ysbryd cymunedol. Treuliodd y myfyrwyr cryn dipyn o amser ac ymdrech yn cynllunio a threfnu’r digwyddiad, yn cynnwys cydweithio â chyflenwyr lleol ar gyfer cyfarpar, bwydydd, danteithion blasus a nwyddau. Roedd eu gwaith caled yn werth chweil wrth iddynt ennill cyllid gan Gyngor Tref Y Drenewydd a Llanllwchaiarn i gefnogi’r digwyddiad.
Roedd y cwrs yn cynnwys cafnau o bowdr o liwiau bywiog a oedd yn gorchuddio’r rhedwyr wrth iddynt redeg o amgylch y trac yn creu awyrgylch parti. Roedd llwyddiant y digwyddiad yn bosibl diolch i gefnogaeth hael cyfranogwyr, noddwyr a chefnogwyr, yn cynnwys Morrisons, Hilltop Honey, y Cyngor Tref, Bar Brechdanau, Y Drenewydd Agored, Hafon yr Afon a Rhedwyr.
Mynegodd Harriet Bailey sef Darlithydd Busnes yng Ngholeg Y Drenewydd ei balchder yn y myfyrwyr wrth ddweud: “Dwi mor falch o’r dysgwyr am gynnal digwyddiad mor llwyddiannus. Os taw dyma eu digwyddiad cyntaf, digwyddiad sydd mor llwyddiannus, a hynny yn eu blwyddyn gyntaf, mae’r dyfodol yn edrych yn hynod o addawol.”
Am fwy o wybodaeth am gyrsiau Busnes, cliciwch y ddolen isod;
