Mae Lewis George, saer uchelgeisiol o Gastell-nedd wedi ennill lle yn rownd derfynol y wobr o fri Prentis Masnach Screwfix.
Bydd un prentis yn cael ei ddethol fel yr enillydd a fydd yn derbyn bwndel gwobrau gwerth £10,000 a fydd yn rhoi hwb i’w yrfa.
O fwy na 1,800 o geisiadau cychwynnol, mae deg o brentisiaid wedi cyrraedd y brig ac maent ar y ffordd i ddigwyddiad yn Llundain y mis nesaf a fydd yn para am ddau ddiwrnod.
Yn ogystal â chystadlu am y wobr hon o fri, sy’n anelu at bwysleisio gwaith caled ac ymrwymiad prentisiaid masnach ar draws y DU ac Iwerddon, mae Lewis, 25, yn canolbwyntio ar ddod yn saer proffesiynol. Ar hyn o bryd, mae’n astudio Gwaith Saer ar Safle, Lefel 3, yng Nghanolfan Adeiladwaith Abertawe, mae e’n gobeithio gwneud argraff ar banel o feirniaid sy’n arbenigwyr yn y diwydiant am gyfle i gael ei enwi fel yr enillydd yn y digwyddiad ar 3 Mai.
Cafodd Lewis ei roi ar y rhestr fer am ddangos ei frwdfrydedd, ei ymrwymiad a’i uchelgais yn ei grefft o ddewis, trwy ddisgleirio yn ystod y rowndiau cyn-derfynol. Mae Lewis yn gweithio gyda chynaliadwyedd mewn golwg gan anelu at ddefnyddio ei lwyfan i hyrwyddo ymarferion mwy ecogyfeillgar ym maes gwaith saer, er enghraifft, dod o hyd i ddeunyddiau gan gyflenwyr cynaliadwy ac ailgylchu neu ailddefnyddio deunydd sbar neu ddeunydd gwastraff.
Dywedodd: “Dwi’n methu credu fy mod i wedi cyrraedd cam hwn Prentis Masnach Screwfix 2024! Dwi mor falch fod fy sgiliau, ymrwymiad a chyflawniadau wedi ennill le i fi yn y rownd derfynol genedlaethol.
“Os ydych chi’n caru eich swydd, fyddwch chi fyth yn teimlo fel eich bod yn gweithio diwrnod gwaith go iawn – a dyma fy nheimladau tuag at fod yn saer.
“Dwi’n falch o gynrychioli gwaith caled ac ymrwymiad pob prentis masnach a dwi’n edrych ymlaen at arddangos fy hoffter o flaen y beirniaid o fri. Fe fyddai gael fy nghoroni fel yr enillydd yn gamp personol aruthrol ac yn uchafbwynt fy ngyrfa.”
Bydd pencampwr 2024 Prentis Masnach Screwfix yn derbyn bwndel gwobrau sy’n cynnwys offer, technoleg a hyfforddiant gwerth £10,000 i hybu gyrfa. Law yn llaw â’r teitl o fri ‘Prentis Masnach Screwfix’, mae’r pecyn gwobr yn cynnig popeth y gallai fod ei angen ar brentis sydd eisiau rhagori o fewn i’w yrfa o ddewis.
Mae’r banel o feirniaid eleni yn cynnwys cynrychiolwyr o Sefydliad Siartredig Peirianneg Plymio a Gwresogi, Ffederasiwn y Meistr Adeiladwyr, Cyngor Archwilio Cenedlaethol Cytundebu Gosod Trydanol ynghyd ag enillydd Crefftwr Gorau 2023 Screwfix sef, Astrid Arnold.
Yn ôl Jack Wallace, Cyfarwyddwr Marchnata Screwfix: “Yn ôl yr arfer, mae safon y cystadleuwyr wedi gwneud argraff fawr arnon ni ac mae gan bob un o’r terfynwyr agwedd ffantastig tuag at eu gwaith. Mae cyrraedd rownd derfynol y gystadleuaeth hon yn hynod o anodd, yn arbennig ar yr un pryd â dal i astudio a gweithio. Dylai pob un ohonynt fod yn falch iawn o gyrraedd y cam hwn.
“Mae byth wedi bod yn bwysicaf adnabod gwaith ffantastig prentisiaid masnach y wlad. Wrth i’r blwch sgiliau diwydiant barhau i dyfu, mae pwysleisio’r agweddau mwyaf boddhaus a gwerth chweil ar grefft yn allweddol o ran denu talent newydd.
“Mae ein henillwyr blaenorol wedi mynd ymlaen i fod ar flaen y gad yn eu crefftau perthnasol. Dymunwn bob lwc i’n terfynwyr 2024 a dwi’n siwr y bydden nhw hefyd yn cyflawni pethau gwych.”
Erthygl o Wales247.co.uk.
