Crynodeb o’r cwrs
Mae/r Diploma echnegol BTEC Lefel 2 mewn Cerddoriaeth yn gwrs addysg bellach amser llawn a ddarperir gan yng Ngrŵp Colegau NPTC. Mae’r cwrs wedi’i gynllunio ar gyfer myfyrwyr sy’n dymuno datblygu sgiliau cerddorol ymarferol, technoleg cerddoriaeth a pherfformio, ynghyd â dealltwriaeth o sut mae’r diwydiant cerddoriaeth yn gweithredu.
Bydd myfyrwyr yn datblygu sgiliau technegol i greu, cynhyrchu a hyrwyddo cerddoriaeth drwy brosiectau ymarferol, cyfleoedd perfformio byw a dysgu sy’n canolbwyntio ar y diwydiant. Mae’r cwrs yn addas ar gyfer myfyrwyr sydd am fod yn gerddorion neu symud ymlaen i yrfaoedd yn y diwydiannau creadigol.
Fel arfer, bydd angen i ymgeiswyr fod wedi cyflawni dau TGAU ar radd C/4 neu uwch (neu gyfwerth). Dewisir ymgeiswyr llwyddiannus drwy gyfweliad a chlyweliad.
Bydd y meini prawf dethol yn cynnwys asesu diddordeb a phrofiad y myfyriwr mewn cerddoriaeth, ynghyd â chlyweliad ar offeryn neu lais ar safon tua Gradd 3.
Gall cwblhau’r cwrs yn llwyddiannus arwain at symud ymlaen i’r Diploma Estynedig Lefel 3 mewn Cerddoriaeth neu gyrsiau mewn cerddoriaeth neu'r celfyddydau creadigol cysylltiedig eraill yn yng Ngrŵp Colegau NPTC.
Yn y cymhwyster hwn, bydd myfyrwyr yn datblygu sgiliau technegol i greu, cynhyrchu a hyrwyddo cerddoriaeth. Bydd myfyrwyr yn ennill dealltwriaeth o rolau yn y diwydiant cerddoriaeth drwy brosiectau technegol ac yn creu cynllun datblygiad proffesiynol i gefnogi dyheadau gyrfa yn y dyfodol.
Mae’r cwrs yn cynnwys chwe uned, gyda dwy uned yn cael eu hastudio bob tymor:
- Tymor yr Hydref: Archwilio Cerddoriaeth a Datblygiad Proffesiynol
- Tymor y Gwanwyn: Creu Cerddoriaeth a Pherfformio Cerddoriaeth
- Tymor yr Haf: Hunan-hyrwyddo a Phrosiect Cerddoriaeth
Mae asesu’n seiliedig ar waith cwrs ac yn cynnwys prosiectau cerddoriaeth ymarferol a pherfformiadau byw. Caiff myfyrwyr eu hasesu ar eu sgiliau technegol, eu creadigrwydd, eu datblygiad proffesiynol a’u canlyniadau terfynol drwy gydol y flwyddyn academaidd.
