Mae myfyrwyr Coleg Afan wedi arddangos eu creadigrwydd yn falch fel rhan o Arddangosfa i Ddathlu Canmlwyddiant Richard Burton, a oedd yn rhan o ddathliad diwylliannol a ddaeth â’r gymuned at ei gilydd ym Mhort Talbot.
Anelodd y Gystadleuaeth Gelf Dehongli Richard Burton, a drefnwyd gan San Portablo Arts, at dynnu sylw at a dathlu dawn leol trwy gynnig llwyfan i bobl greadigol er mwyn iddynt feithrin ac arddangos eu celf. Cyflwynwyd tua ugain darn o waith gan fyfyrwyr Astudiaethau Sylfaen Coleg Afan ochr yn ochr â chystadleuwyr o nifer o ysgolion lleol. Roedd y lluniau trawiadol hyn yng nghefnlen ar gyfer digwyddiad cau’r arddangosfa yng Nghanolfan Siopa Aberafan lle yr oedd ymwelwyr yn mwynhau prynhawn o gelf, barddoniaeth a pherfformio.
Roedd y finale yn cynnwys darlleniadau a barddoniaeth wreiddiol gan yr awdures leol o fri Sally Roberts Jones, ochr yn ochr â pherfformwyr creadigol lleol dan drefniant yr Ymgynghorydd Drama Helen John. Ar ddiwedd y digwyddiad roedd perfformiad emosiynol gan Gôr Meibion Port Talbot, wrth iddynt greu achlysur diwylliannol bythgofiadwy ar gyfer canol y dref.
Ymhlith dros fwy na 200 o gystadleuwyr, roedd Jayden White myfyriwr Coleg Afan wedi llwyddo i ennill y gystadleuaeth. Rhoddwyd gwobr arbennig i Jayden: ei gelf wedi’i fframio’n broffesiynol gyda logo Canolfan Siopa Aberafan mewn seremoni wobrwyo yn y ganolfan siopa ar 17 Rhagfyr.
Rhannodd Anne-Marie Hames, darlithydd Coleg Afan, ei balchder o gyflawniadau’r myfyrwyr:
“Mae cymryd rhan yn y gystadleuaeth gelf i ddathlu canmlwyddiant Richard Burton wedi bod yn hynod o werth chweil ar gyfer ein myfyrwyr. Roedd dysgu am fywyd Richard Burton a’i gysylltiadau â’n cymuned leol wedi’u hysbrydoli. Roedd y cyfle i greu llun ohono wedi rhoi synnwyr go iawn o falchder a diben iddynt. Mae’r profiad hwn wedi helpu ein myfyrwyr i fagu hyder, datblygu sgiliau creadigol a theimlo’n rhan o rywbeth gydag ystyr y tu hwnt i’r ystafell ddosbarth. Rydw i wrth fy modd i weld eu doniau yn cael eu cydnabod a’u dathlu o fewn i’r gymuned.”
Dathlwyd y gystadleuaeth hon etifeddiaeth Richard Burton ond hefyd bywiogrwydd a dawn y fro – tystiolaeth unwaith eto bod Port Talbot yn llawn creadigrwydd a diwylliant.
