Roedd Grŵp Colegau NPTC yn falch o gynnal digwyddiad Cerddoriaeth Hanes Pobl Dduon Cymru 365 Cyngor Hil Cymru yng Nghanolfan Celfyddydau Nidum, gan nodi’r digwyddiad cyntaf o’i fath yng Nghastell-nedd Port Talbot. Daeth y dathliad â chreadigrwydd, diwylliant, cymuned a rhagoriaeth gerddorol ynghyd, gan arddangos cyfoeth treftadaeth gerddorol Pobl Dduon wrth gryfhau gweithio mewn partneriaeth ar draws y rhanbarth.
Roedd y noson fywiog yn cynnwys perfformiadau pwerus gan artistiaid Duon talentog gan gynnwys B Written, Calypso Trio, Wade Collymore, CKA a Xenith. Roedd y rhaglen hefyd yn cynnwys arddangosfeydd ysbrydoledig gan fyfyrwyr cerddoriaeth Grŵp Colegau NPTC, gan ddarparu llwyfan gwerthfawr i dalent sy’n dod i’r amlwg berfformio ochr yn ochr ag artistiaid sefydledig.
Yn agored i staff, myfyrwyr a phartneriaid, daeth y gyngerdd â chymuned y coleg ynghyd i gydnabod Hanes Pobl Dduon Cymru 365, gan feithrin cynhwysiant, dysgu a gwerthfawrogiad diwylliannol a rennir. Mwynhaodd y cynulleidfaoedd raglen ddiddorol ac ysbrydoledig a oedd yn adlewyrchu’r amrywiaeth a’r creadigrwydd o fewn y coleg a’r gymuned ehangach.
Dywedodd Rukhsaana Ashraf, Uwch Swyddog: AD (Cydraddoldeb, Amrywiaeth a Chynhwysiant) yng Ngrŵp Colegau NPTC:
“Mae wedi bod yn fraint i Grŵp Colegau NPTC gynnal digwyddiad Cerddoriaeth Hanes Pobl Dduon 365 ar gyfer Castell-nedd Port Talbot. Mae hyn yn dilyn rhywfaint o’n gwaith partneriaeth parhaus gyda Chyngor Hil Cymru.
“Gwelodd y noson gydweithrediad rhwng artistiaid cerddoriaeth talentog o Hanes Pobl Dduon 365 Cymru a’n myfyrwyr cerddoriaeth, gan roi cyfle iddynt fwynhau diwylliant a chynhwysiant trwy amrywiaeth o artistiaid a genres.
“Mae’r digwyddiad yn dyst parhaus i’r llinyn aur o gydraddoldeb rydyn ni’n parhau i’w ymgorffori ar draws y grŵp o golegau, gan sicrhau ein bod ni’n rhoi arfer ar waith nid yn unig mewn strategaeth a pholisi ond hefyd yn ei fyw a’i weithredu drwy ddigwyddiadau, gweithredu dyddiol, rhyngweithiadau a phrofiad bywyd.
“Diolch i bawb a ymunodd â ni a helpu i wneud hwn yn ddathliad mor ysbrydoledig a chadarnhaol o gerddoriaeth, amrywiaeth a thalent sy’n dod i’r amlwg. Edrychwn ymlaen at ddatblygu ein partneriaeth â Chyngor Hil Cymru a chreu mwy o gyfleoedd fel hyn yn y dyfodol.”
Mae Cyngor Hil Cymru, a sefydlwyd gan yr Athro Uzo Iwobi CBE, yn gweithio i hyrwyddo gweithgareddau gwrth-hiliol, celf, treftadaeth a diwylliannol ar gyfer cymunedau ethnig Du, Asiaidd ac amrywiol ledled Cymru. Mae’r sefydliad yn grymuso cymunedau, yn dathlu celfyddydau a threftadaeth, yn datblygu arweinwyr y dyfodol ac yn sbarduno newid polisi.
I gael gwybod mwy am waith Cyngor Hil Cymru ledled Cymru cliciwch y ddolen isod.
