Llongyfarchiadau i fyfyriwr Iechyd a Gofal Cymdeithasol Coleg Y Drenewydd, Keeleigh Tonks, ar ennill Gwobr fawreddog Cymdeithas Sir Drefaldwyn am Addysg Bellach 2026.
Mae Cymdeithas Sir Drefaldwyn yn sefydliad elusennol wedi’i leoli yn Llundain y mae ei aelodau’n rhannu diddordeb cryf yn Sir Drefaldwyn, Cymru. Mae gan y Gymdeithas draddodiad hirhoedlog o gefnogi myfyrwyr yn y Coleg drwy gynnig y cyfle i gael eu cydnabod drwy ei gwobr Addysg Bellach.
Mae Keeleigh, myfyrwraig Iechyd a Gofal Cymdeithasol yn ei hail flwyddyn, wedi gwahaniaethu ei hun trwy wydnwch, penderfyniad ac aeddfedrwydd eithriadol yn wyneb heriau personol sylweddol. Drwy gydol ei hastudiaethau, mae hi wedi llwyddo i gydbwyso ei hymrwymiadau academaidd ochr yn ochr â dwy swydd ran-amser.
Er gwaethaf y gofynion hyn, mae Keeleigh wedi cynnal presenoldeb rhagorol (97%) a phrydlondeb perffaith (100%), wrth gyflawni canlyniadau academaidd cryf, gan ennill graddau A–B yn gyson. Mae hi’n parhau i ganolbwyntio ar ei huchelgais o ddod yn barafeddyg ac yn gweithio’n ddiwyd o hyd tuag at y nod hwn.
Mae ymroddiad Keeleigh yn rhywbeth y mae ei darlithwyr yn ymwybodol iawn ohono. Dywedodd y darlithydd Iechyd a Gofal Cymdeithasol, Russell Coleman:
“Mae ymrwymiad, dyfalbarhad ac agwedd gadarnhaol Keeleigh yn golygu ei bod yn sicr yn haeddu cydnabyddiaeth am y wobr hon.”
Cyflwynwyd y wobr gan Reolwr Coleg Y Drenwydd, Steve Cass, a fynegodd ei ddiolch i Gymdeithas Sir Drefaldwyn am eu cefnogaeth a’u hymrwymiad parhaus i gydnabod ac ysbrydoli myfyrwyr ar hyd eu taith addysgol.
