Ydych chi erioed wedi meddwl am rannu eich sgiliau neu deimlo y gallech chi addysgu mewn addysg bellach neu amgylchedd Coleg? Os oes gennych chi brofiad yn y byd go iawn ac angerdd am rannu’ch sgiliau, fe allech chi fod yn athro coleg anhygoel.
Mae Grŵp Colegau NPTC yn cynnal Digwyddiad Gwybodaeth Ewch i Addysgu lle gallwch ddod o hyd i bopeth sydd ei angen arnoch, o gymwysterau i’r holl gyfleoedd gyrfa posibl niferus sydd ar gael yn y sector.
Addysg bellach yw unrhyw addysg i bobl 16 oed a hŷn ac mae’n cynnig amrywiaeth enfawr o gyfleoedd, o addysgu yn yr ystafell ddosbarth i brentisiaeth yn y gweithle a staff cymorth.
Diddordeb? Ymunwch â ni ddydd Mercher 24 Ebrill rhwng 4pm – 7pm yng Ngholeg Castell-nedd a chael gwybod sut y gallech chi ddechrau addysgu. Bydd tîm Adnoddau Dynol y Coleg wrth law hefyd i drafod y cyfleoedd swyddi penodol yng Ngrŵp Colegau NPTC, sy’n cynnwys rolau Darlithwyr, Technegwyr, Hyfforddwyr, Aseswyr, Cynorthwywyr Addysgu a Chymorth Astudio.
Bydd cymorth ar gael i’ch tywys trwy’r holl lwybrau i addysgu a’r cymwysterau sydd eu hangen er mwyn i chi gyrraedd yno gan gynnwys TBAR/PCeT gyda darlithwyr arbenigol wrth law i ateb unrhyw gwestiynau sydd gennych. Bydd cyflwyniadau yn rhedeg drwy gydol y noson yn dangos pa mor werth chweil y gall gyrfa ym myd Addysg fod, yr amrywiaeth o rolau sydd ar gael, a’r llwybrau niferus i addysgu.
Gallwch newid bywydau heb newid eich gyrfa – defnyddiwch eich profiad, sgiliau diwydiant a gwybodaeth i addysgu mewn Addysg Bellach!
Am ragor o wybodaeth, anfonwch e-bost i marketing@nptcgroup.ac.uk.
I gael mwy o wybod am y cyrsiau rydym yn eu cynnig cliciwch ar y dolenni isod.
CACHE lefel 3 Cefnogi Dysgu ac Addysgu mewn Ysgolion (Rhan-Amser)
Tystysgrif Broffesiynol mewn Addysg i Raddedigion (TAR) AHO (Rhan-Amser)
Addysg – Tystysgrif Broffesiynol (TBA) AHO (Rhan-Amser)
Gwobr Lefel 3 City and Guilds mewn Addysg a Hyfforddiant (6502) (Rhan-amser)
