Oes gennych chi ddiddordeb mewn hyfforddiant Peirianneg?
Bydd y cymhwyster hwn yn cefnogi swyddi megis ffitiwr/turniwr cynnal a chadw, gwneuthurwr offer, trydanwr, dyfeisiwr, weldiwr neu swyddi tebyg.
Yn Pathways Training, rydym yn cynnig Prentisiaethau mewn Peirianneg a fydd yn darparu cymhwyster cenedlaethol cydnabyddedig i ddysgwyr. Bydd y dysgwyr yn datblygu sgiliau yn y gweithle ac yn mynd i’r coleg yn rheolaidd.
Rydym yn cynnig:
Lefel 2
Prentisiaeth Sylfaen
Gallai’r unedau gynnwys: Gweithio’n ddiogel mewn awyrgylch peirianyddol, gweithio’n effeithlon ac effeithiol ym maes peirianneg, defnyddio a chyfathrebu gwybodaeth dechnegol, cynhyrchu cydrannau drwy ddefnyddio technegau gosod â llaw, paratoi a defnyddio turnau ar gyfer gweithrediadau turnio a pharatoi a defnyddio peiriannau melino, cynnal a chadw offer trydanol, a llawer mwy.
Lefel 3
Prentisiaeth
Gallai’r unedau gynnwys: Cydymffurfio â rheoliadau statudol a gofynion diogelwch sefydliadol, gosod peiriannau melino CNC yn barod ar gyfer cynhyrchu, weldio deunyddiau drwy’r prosesau hanner awtomatig MIG/MAG ac arc cortyn fflwcs, weldio deunyddiau drwy’r broses weldio arc TIG a phlasma â llaw, gwneud diagnosis o namau ar offer a chylchedau trydanol, a llawe mwy
Mae’r prentisiaethau’n cynnwys:
- Diploma Lefel 2 mewn Cyflawni Gweithrediadau Peirianneg (Lefel 2 yn unig)
- Diploma Estynedig EAL yn y llwybr perthnasol
- Sgiliau Hanfodol mewn Cymhwyso Rhifau
- Sgiliau Hanfodol mewn Cyfathrebu
- Sgiliau Hanfodol mewn Llythrennedd Digidol
- Gwella eich Dysgu a’ch Perfformiad eich Hun
- Gweithio gydag Eraill
- Hawliau a Chyfrifoldebau Cyflogaeth
Gofynion mynediad
Mae’n rhaid i’r dysgwyr:
- Fod yn byw neu’n gweithio yng Nghymru
- Fod yn gyflogedig am o leiaf 16 awr bob wythnos drwy gydol y brentisiaeth
Mae’n rhaid i bob dysgwr gael asesiad cychwynnol.
At beth y bydd y cymhwyster yn arwain?
Ar ôl cwblhau pob lefel, caiff y dysgwyr symud ymlaen at Radd Sylfaen mewn Peirianneg Drydanol/Fecanyddol.